Hariom,
Meri choti bahen (Divya) ka shubh vivah Muzaffar Nagar ke paas ek gram me hua tha. Aaj uske do bete (two sons) hain. Mera poora pariwar Pujya Bapu Ji se hi dixit hai. Divya ne bhi apni shadi se pehle diksha le li thi aur khoob shraddha se niyam kiya karti hai. Abhi pichle mahine woh apne patidev (Shri Vijay Sharma) ke saath apne gaon se Panipat ja rahi thi. woh log motorcycle par the. lagbhag Baraut (U.P) ke paas ek truck bahut speed se aa raha tha, idhar mere bahan - bahnoi bhi ghabra gaye. Truck se bachane ke liye motorcycle road se neeche utar di. lekin kaccha road me motorcycle ka balance nahi ban paaya aur ek bijli ke pole se bahut tej takraye. Meri bahen aur ek beta (Ujjwal 4 yrs) to door jaakar gire aur chota beta (Vansh 10 months) motorcycle ke neeche hi dabaa rah gaya tha. Vijay ji motorcycle se uchal kar electricity pole se teji see takra gaye. Sabhi behosh ho chuke the. kisi ko apni koi khabar nahi thi. aas paas ke logo ne police ko soochna di. Vijay Ji Dainik Bhaskar Press, Panipat me Advertising Manager ke pad par karyarat hai. Unke pocket se visiting cards mile, contact kiya gaya .
Divya aur dono beto ke gale mein Pujya Bapu Ji ke chitra wala locket tha . Lekin Vijay ji ne locket nahi dala hua tha. Divya, Ujjwal aur Vansh ko sirf thode dard ke kuch bhi nahi hua lekin Vijay ji ko bahut chot aayi. unke chest aur haath ki bones me chot lagi. Tab se unka ilaz chal raha hai. Operation bhi hua hai.
Guru Kripa se ab sabhi kuch kushal mangal hota ja raha hai. Woh log Panipat ashram bhi jate hai.
Vijay Ji mujhse bole -"Bhai sahab, Bapu Ji ne hi bachaya hai"
"Sabhi Sihishya Raksha Paate Hain
Suksham Sharir Guru Aate Hain "
Naryan Hari
----
Abhishek Maitrey
Subscribe to:
Post Comments (Atom)
No comments:
Post a Comment